Ujësjellësi i Tiranës do të zgjerojë impiantin e Bovillës falë një kredie dhënë nga Banka Europiane për Rindërtim dhe Zhvillim në vlerën 30 milionë euro.
15 milionë euro do të përdoren pikërisht për rritjen e kapacitetit të përpunimit të ujit që vjen nga Liqeni i i Bovillës, pasi aktualisht filtrohet vetëm gjysma.
Zgjerimi i impiantit të Bovillës do të zgjidhë furnizimin me ujë të pijshëm të banorëve në zonën e Yzberishit, të cilët deri më tani përdorin ujë pusi.
Paralelisht do të bëhet edhe ndërtimi i linjës së transmetimit nga ujëmbledhësi në impiantin e Bovillës.
Faza e parë e projektit pritet të përfundojë brenda dy viteve.
Burimi: Top Channel
