Divjakë, çelin 50 breshka deti (Carreta carreta)

0
122

Bregdeti shqiptar nuk është vetëm një pasuri për turizmin e detit dhe të rërës, por edhe një mundësi e shkëlqyer për shtimin e faunës së rrallë.

Prej dy ditësh në territorin e Parkut Kombëtar Divjakë-Karavasta po ndodh çelja e vezëve të depozituara nga një breshkë deti (Carreta carreta) pasi ishte spikatur më parë si fole në zonën e bregdetit të Parkut.

Folenizimi i breshkës së rrallë në vendin tonë

Bregdeti shqiptar nuk është vetëm një pasuri për turizmin e detit dhe të rërës, por edhe një mundësi e shkëlqyer për shtimin e faunës së rrallë botërore. 50 breshka të reja deti kanë hyrë në ujërat e detit Adriatik pas folenizimit në bregdetin e Parkut Kombëtar Divjakë-Karavasta 🐢🐢Kjo është një ngjarje natyrore unikale për vendin tone dhe një tjetër vlerë për zonën bregdetare që tashmë do të jetë pjesë e një studimi më të thelluar nga ana e Agjencisë Kombëtare të Zonave të Mbrojtura me ekspertë vendas e të huaj. Ngjarja është gjithashtu një dëshmi e qartë e qetësisë së siguruar nga moratoriumet e gjuetisë dhe pyjeve, 🌳❌ si dhe mirëmenaxhimi i zonës së mbrojtur falë përkushtimit dhe punës së palodhur të stafit të Parkut.👏👏

Posted by Blendi Klosi on Tuesday, August 14, 2018

Ky është një eveniment natyror unikal për vendin tonë pasi vërtetohet se bregdeti ynë shërben edhe për shtimin e një prej llojeve më të vjetra të botës faunistike që ruhet në të gjithë botën.

50 breshka të vogla deti Carreta -carreta janë zhytur në ujërat e detit Adriatik nga foleja e tyre e parë në bregdetin e Divjakës. Folenizimi i tyre është monitoruar nga stafi i Parkut Kombëtar Divjakë – Karavasta.

Ky është rasti i parë i monitorimit të folesë së breshkës Caretta -Caretta në bregdetin shqiptar.