Portali më i madh në Izrael: Shqipëria është një vend magjepsës për turistët

33

Portali më i madh në Izrael, Walla.co.il, i ka kushtuar një artikull Shqipërisë dhe turizmit dhe atraksioneve të shumanshme që ajo afron për turistët izraelitë.

Shqipëria, “vendi i shqiponjave” është emri i saj, është vendi i fundit evropian që hapet para botës perëndimore, pas disa dekadash izolimi të plotë. Vendi në Ballkan ka pamje spektakolare dhe një histori të gjatë .

Shqipëria ka një kombinim të peizazheve malore, plazheve, liqeneve si dhe vendeve historike dhe arkitekturore që janë rezultat i një ndërthurje të kulturës. Ajo është e lirë, e afërt dhe e bukur, dhe nuk keni nevojë për asgjë më shumë për ta shijuar atë. “Natyra, uji, pyjet”, thotë Ami Lichtenberg, e cila merr pjesë në një udhëtim të organizuar. “Ne hipëm në një kështjellë të quajtur Lorafi, e cila ka pamje të shkëlqyeshme,” shton turisti Gadi Penn.

Shqipëria krenohet me mjaft qytete piktoreske, ka 365 manastire të ndryshme rreth Liqenit të bukur Ohrit, qyteti historik Berat, i njohur si “Qyteti i Njëmbinjë Dritareve” dhe kryeqyteti Tirana është i vibrant dhe i plot jetë. “Pamjet janë të mrekullueshme, thjesht magjike”, thotë Tzipi Grinot, një pjesëmarrëse në udhëtim. “Këto udhëtime në distanca të gjata janë vërtet të preferueshme për një udhëtim të organizuar. Gudia ishte i mrekullueshëm. Unë shijoja çdo moment, si grupin ashtu edhe instruktorin”