Simpoziumi Ndërkombëtar i Skulpturës në Mermer, një organizim që thirret për herë të parë në qytetin e Sarandës, nga Bashkia e këtij qyteti, gjendet në kulmin e vet.
Prej datës 2 dhjetor, autorët fitues të konkursit, të ardhur nga disa vende të botës, kanë nisur punën në një atelie të hapur, në mjediset e Plazhit “Rinia”, buzë shetitores, për realizimin e boceteve të tyre.
Thirrjes së Kryetares së Bashkisë, zonjës Florjana Koka, për këtë Simpozium të parë të Skulpturës në Mermer, të titulluar “Magjia e detit”, iu përgjigjën 12 autorë, me projekt-idetë e ndryshme. Janë 6 autorë fitues, nga 12 që u paraqitën dhe konkurruan me idetë e tyre.
Në këtë sipërmarrje, Bashkia e Sarandës, pati mbështetjen e Raiffeisen Bank, me një fond, që i kalon 4 milionë lekë të reja.
