Tirana do të ketë një instalacion të ri që inagurohet këtë të shtunë. Është kubi i quajtur “Shtëpia mesdhetare”, që po ndërtohet me përmasa 4X4, me shufra inoksi, të cilat përthyejnë realitetin urban.
Nga brenda do të jetë një hapësirë boshe, vetëm me një kompjuter brenda saj. Në fakt kjo është shtepia mesdhetare sipas arkitektit Arjon Muharremi.
Një mesdhe kontraditor i gjendur mes paradoksit nga njëra anë të shtëpive sterehëza që gjendet lehtë në Air BnB dhe nga ana tjetër të refugjatëve që nuk i strehon askush.
Arkitekti ka zgjedhur të provokojë që në fillim me projektin e tij të prezantuar në Bienalen e Mesdheut 18. Ideja e punës së tij është një muze me hapësirë të vogël që do të shërbejë për ekspozita të artit bashkëkohor.
“Mediterranean Home 0.0” po zë vend në hapësirën e sheshit “Avni Rustemi”, në një zonë ku mbizotëron historia, kujtesa dhe tradita. Dhe ky kontrast i të resë me te vjetrën mund të zgjojë debat.
Burimi: Top Channel
