5 këshilla efektive për të lehtësuar gripin

34

Në çdo fillim vjeshte, me ndryshimin e menjëhershëm të temperaturave, shfaqet edhe një rritje e infeksioneve respiratore të quajtura ndryshe edhe rrufa, e ftohura e zakonshme apo gripi. Më të prekurit në këtë kohë janë padyshim fëmijë. Është shumë e rëndësishme që, në momentin e parë të shfaqjes së shenjave, kujdesi të bëhet nga prindërit në kushte shtëpie dhe më pas fëmija të dërgohet në spitalin pediatrik më të afërt. Përgjithësisht ndërlikimet e shfaqura janë ato të bllokimit të rrugëve të frymëmarrjes, temperaturë e lartë, të vjella apo dhimbje të forta koka. Është për t’u theksuar që shfaqja e këtyre simptomave është e ndryshme nga njëri individ tek tjetri dhe moshat më të riskuara janë fëmijët nga 2 deri në 6 vjeç. Mjekët rekomandojnë se vaksina antigrip është mbrojtësi më i mirë për të parandaluar virusin për të mos shfaqur format e tij më të rënda. Vaksinimi çdo vit është i rëndësishëm, pasi viruset e gripit janë të paparashikueshëm dhe në ndryshim të vazhdueshëm, si dhe imuniteti i krijuar nga vaksina bie me kalimin e kohës. OBSH nëpërmjet Qendrës Evropiane për Kontrollin dhe Parandalimin e Sëmundjeve rekomandon kryerjen e një vaksine ndaj gripit çdo vit, si mjeti më efikas për tu mbrojtur nga gripi. Vaksina e gripit mund të reduktojë: Sëmundjet Akute Respiratore të Rënda, komplikacionet në të sëmurët kronik, vizitat tek mjeku, mungesat në punë dhe në shkollë si dhe parandalon shtrimet në spital. Më poshtë po japim pesë këshilla për t’ju ndihmuar të lehtësoni simptomat e gripit.

Pyesni për antiviralët
Nëse filloni të shfaqni simptoma të gripit, mund të pyesni mjekun tuaj për ilaçet pa recetë. Ka ilaçe që funksionojnë duke bllokuar një enzimë që ndihmon virusin të infektojë qelizat e reja. Këto ilaçe janë më efektive nëse merren brenda 48 orëve nga simptomat e para dhe mund të shkurtojnë kohëzgjatjen e gripit në ditë. Është veçanërisht e rëndësishme të kërkoni ilaçe antivirale nëse keni kushte të tilla si diabeti ose sëmundja e zemrës, të cilat rrisin rrezikun e komplikimeve.

Pushoni
Studimet kanë treguar që sasia optimale e gjumit e mban sistemin imunitar të shëndetshëm dhe të rëndësishëm për aftësinë e trupit për të mbajtur një numër të qelizave të bardha të gjakut që luftojnë infeksionin.

Kujdes çfarë konsumoni
Pavarësisht nëse është supë, ujë ose lëng frutash, shumë ekspertë besojnë se është e rëndësishme të pini të paktën tetë gota lëng prej 250 mililitrash në ditë gjatë gripit të rëndë. Simptomat e zakonshme të gripit si djersitja dhe rrjedhja nga hunda rrisin sasinë e ujit që trupi juaj humbet, kështu që marrja e lëngjeve parandalon dehidratimin. Ushqimet e pasura me vitaminë C, të tilla si kivi dhe specat jeshil, si dhe ato të pasura me beta-karoten antioksidues, siç janë karotat, patatet e ëmbla dhe kungull i njomë, mund të ndihmojnë në forcimin e sistemit tuaj imunitar.

Mbani temperaturën optimale dhe qëndroni në shtëpi
Mbajtja e trupit tuaj ngrohtë ndihmon që të ruash energjinë për të luftuar bakteret. Ekspertët rekomandojnë të qëndroni në shtëpi dhe të mos shkoni në punë, të pushoni në mënyrë që të mos përhapni virusin te njerëzit e tjerë. Ai gjithashtu mund të zvogëlojë rrezikun e komplikimeve të tilla si pneumonia.

Merrni medikamente në konsultë me mjekun tuaj
Hulumtimet kanë treguar që mjekimet mund të zvogëlojnë si kohëzgjatjen ashtu edhe ashpërsinë e gripit duke rritur imunitetin, duke ulur mukozën e frymëmarrjes dhe duke penguar aftësinë e virusit për tu shumuar. Mos blini asnjë medikament vetë, por këshillohuni me mjekun tuaj. Medikamentet kundër gripit mund të përdoren vetëm nëse jeni të sëmurë me grip, dhe të rekomanduara nga mjeku si dhe duhet të fillohen brenda 48 orëve të para të fillimit të sëmundjes për të pasur efektivitet të lartë. Medikamente kundër gripit mund ta bëjnë sëmundjen më të butë si dhe të shkurtojnë kohën e sëmundjes. Ato mund të parandalojnë edhe komplikacion e rënda që mund të vijnë nga gripi.