Një investim pozitiv në Korçë. 72,688 drejtues mjeti do të marrin shërbime në kompleksin tërësisht të ri rajonal të DRSHTRR Korçë.
Drejtoria e Përgjithshme e Shërbimeve të Transportit Rrugor njoftoi sot se po punohet për vijëzimet dhe sinjalistikën orientuese në oborrin e kompleksit tërësisht të ri rajonal të DRSHTRR Korçë.
DPSHTRR theksoi në një postim në rrjetet sociale se, “qytetarët e qarkut juglindor, ku kemi 72,688 drejtues mjeti nga Bashkitë e Korçës, Devollit, Kolonjës, Maliqit, Pogradecit dhe Pustecit, e dinë se ç’hiqnin me rajonalen e vjetër pa një pëllëmbë hapësire shërbimi, pa parkim, e ku kontrolli fizik bëhej në rrugë!”.
