Botës digjitale shumë shpejt pritet t’i shtohet një program i ri, i cili kthen gjuhën e folur shqipe në atë të shkruar.
Ky është programi i cili po krijohet nga programuesi Betim Drenica dhe ekipi i tij.
Betimi i cili për një kohë punoi si sipërmarrës në Amerikë, e shikon këtë si një mundësi të mirë për hapjen e gjuhës standarde shqipe ndaj botës.
Betimi: Për gjuhën shqipe deri më tani nuk ka ekzistuar një projekt i tillë, ne jemi duke punuar në këtë projekt prej një viti dhe kemi arritur deri tek një njohje shumë e madhe e gjuhës.
Synimi jonë është që të kemi gjuhë standarte.
Duke e ditur se transkriptimi i bashkëbisedimit mund të bëhet pa e prekur fare tastierën, atëherë ky program mund të jetë i aplikueshëm jo vetëm për nevoja të individëve por edhe institucionale, si për procesverbalet e seancave të kuvendeve komunale, parlamentare, seanca gjyqësore, e bisedat telefonike të hetuesisë.
Përveç gjuhës standarde, ekipi në një të ardhme planifikon që programi të njohë të gjitha dialektet dhe zhargonet e shqipes.
Megjithëkëtë, ky nuk është programi i vetëm digjital për shqipen.
Ata janë në realizim të një programi tjetër, që për detyrë do të ketë korrigjimin gramatikor të teksteve./TCH/
