Zhvillohet ceremonia e hapjes së ekspozitës Dinastia Marubi – 100 vite të studios fotografike shqiptare, në Amsterdam.
Në këtë ceromoni ishin të pranishëm ministrja e Kulturës, zonja Mirela Kumbaro së bashku me drejtoreshën e FOAM znj. Marloes Krijnen, kuratoren e ekspozitës Kim Knoppers, ambasadoren holandeze në Shqipëri, Dewi van de Weerd, ambasadoren shqiptare në Holandë, Aida Sakiqi si dhe personalitete të tjera të njohura.
Ekspozita me fotot e Marubit u prit me kureshtje dhe interes të veçantë nga publiku holandez, ndërsa në fjalën e saj Ministrja Kumbaro prezantoi një copëz të historisë 100 vjeçare të kësaj dinastie.
