DRKK Vlorë në kuadër të sezonit turistik të vitit 2016 ka kryer pastrimin e mureve rrethuese të qytetit antik të Oplympes, të cilat janë pjesa më e ruajtur dhe monumentale e rrënojave të tij. Gjithashtu janë vendosur dhe tabelat shpjeguese e sinjalistika përkatëse për vizitorët.
Rrënojat e qytetit antik të Olympes ndodhen në fshatin Mavrovë të rrethit të Vlorës, në anën e djathtë të lumit Shushicë. Qyteti antik dhe fortifikimi i tij gjendet në pjesën më të lartë të kodrës së Rrethunit në një lartësi rreth 284 m mbi nivelin e detit.
I vetmi autor antik që përmend ekzistencën e këtij qyteti ishte Stefan Bizantini dhe identifikimi i tij u realizua në sajë të gjetjes së një numri të konsiderueshëm monedhash dhe disa tjegullash me legjendën Olympiastan nga arkeologu Burhan Dautaj gjatë kërkimeve të tij, në vitet 1974 dhe 1978.
