Udhëtimi urban rrethqytetas do të jetë në kushte komode dhe me cilësi më të lartë shërbimi. Bashkia Fier ka bërë përmirësimin e disa linjave të udhëtarëve rrethqytetase në shërbim të qytetarëve, duke synuar dhe shtimin e disa linjave të tjera, përfshi edhe unazën e qytetit. Këto përmirësime konsistojnë në rritjen e komoditetit të udhëtimit (komfortit).
Të gjithë autobusët e shërbimit të linjave të reja janë pajisur me kondicioner dhe shumë funksional. Është rritur cilësia e shërbimit, numri i orareve dhe është përmirësuar cilësia e vendstacioneve. Ndër këto linja bëjnë pjesë: Fier-Patos, Mbrostar-Fier-Zhupan, Fier-Levan, Fier-Pojan, Fier-Fermë Clirim etj; si dhe pritet, së shpejti, linja e unazës së qytetit.
