Redi Zyka është ndër shqiptarët e sukseshëm në botë. Ai jeton prej vitesh në Kanada dhe ia ka dalë që të depërtoj në kinematografinë e shtetit kanadez. Në një intervistë në Report Tv, ai rrëfeu rrugëtimin e tij nga mekanik drejt ëndrrës së madhe për t’u bërë aktorë.
Ai emigroi bashkë me familjen drejt Kanadasë në moshën 13 vjeçare, ku pas përfundimit të gjimnazit iu përkushtua shkollës për mekanik.
Në moshën 28 vjeçare do të merrte pjesë në klasa aktrimi dhe në prova kinematografike.
“Fillimisht isha mekanik. Ishte gjithmonë në mendjen time për tu bërë aktor, prita shumë se vetëm në atë kohë erdhën gjërat por gjithmonë e kam pasur në mendje. U lidha me një agjensi që nuk funksionoi mirë kur je i ri nuk e di mirë si funksionojnë gjërat .Më pas u lidha me një agjensi tjetër që jam edhe sot dhe ata më ndihmuan shumë, më dhanë disa role si figurant nëpër filmat amerikan dhe më vonë mu besuan role më të mëdha”.
Tashmë i janë besuar projekte të mëdha, duke arritur të marr role të rëndësishme në disa filma të rëndësishëm kanadez, ndërsa shprehet tepër mirënjohës për çfarë ka arritur deri më tani.
