Altin Kaja nga Vajkani i Fierit është një nga blegtorët shembull, i cili ka arritur të zhvillojë një nga fermat e suksesshme të mbarështimit të lopëve.
“Unë jam një blegtor që merrem me mbarështimin e lopëve për qumësht dhe viçave për majmëri. Kam rreth 10 vjet që menaxhoj këtë biznes pasi e kam të trashëguar nga babai im”, thotë Altini.
“Fillimet kanë qenë paksa të vështira, sepse gjithmonë çdo biznes kur fillon është i vështirë, por duke kaluar vitet dhe duke mësuar më shumë për blegtorinë kemi arritur në këtë pikë ku jemi sot”, tha ai.
Altini u shpreh se, aktualisht sot në fermë ka rreth 80 krerë lopë qumështi.
