FOTOT/ “Syri i Ciklopit”, perla e natyrës vetëm pak kilometra larg Tiranës

97

Syri i Ciklopit ose siç i thonë ndryshe Gjurma e Ciklopit, rreth 4 km poshtë Krrabës, në fshatin e quajtur Skuterrë, në luginën e lumit Erzen është kthyer vitet e fundit në një nga destinacionet më tërheqëse turistike të Tiranës.

Rreth 20 m i gjerë dhe 120 m i thellë, kjo perlë natyrore tërheq turistë të aventurës kanë dëshirë të eksplorojnë natyrën e egër.

Përveç pamjes mahnitëse ai krijon mundësinë të notohet gjatë ditëve të nxehta të verës.

Peizazhi fare i virgjër natyror rreth e përqark, nuk është më pak mahnitës. Një degë e Lumit Erzen, rrjedh në formën e një katarakti të vogël, e bashkë me formacionet e shumta të shkëmbinjve krijojnë një peizazh përrallor. Mund të thuhet pa frikë se kjo pikë natyrore është një nga zbulimet e fundit të bëra nga aventurierët e natyrës.