Voskopoja mbetet një nga qendrat më të rëndësishme kulturore, artistike e historike të Ballkanit, një perlë e Kulturës Ballkanike dhe Europiane.
Ajo ndodhet në pjesën perëndimore të qytetit të Korçës.Është ndërtuar mbi një pllajë të lartë rreth 1200 m mbi nivelin e detit dhe mbrohet nga tri anë me male e kodra.Në anën lindore lartësitë vijnë duke u zbutur dhe krijojnë një luginë,e cila përbën hyrjen e vetme natyrale për në Voskopojë.
Në fillim të shekullit të XVIII qyteti kishte 14 lagje që zinin një sipërfaqe rreth 18 ha.
Voskopoja, si fshat i afërt me Korçën, rreth 20 km, është një fshat dikur qytet, në të cilin mbivendosen shumë shtresa kulturore të qytetërimit dhe të popullsisë. Voskopoja ka qënë një thesar kulturor që në themelimin e saj me vlera të veçanta jo vetëm për Shqipërinë, por edhe për Ballkanin. Bazuar në këto vlera që mbart në mënyrë jo rastësore është kthyer në një qendër turistike të vizituar gjatë gjithë vitit.
Por,ajo që është e veçanta e Voskopojës,janë objektet e kultit,kishat ,të cilat i kanë shpëtuar deri diku rrënimit dhe këto janë: Kisha ”Shën Nikolla” , Kisha ”Shën Maria” , Kisha ”Shën Ilia”, Manastiri i ”Shën Prodhromit ”, Kisha ”Shën Thanasi”, Kisha ”Shën Mehilli” , të cilat janë monument kulture të kategorisë së I dhe për të cilat në vazhdimësi është treguar më kujdes për t’i restauruar dhe për t’i ruajtur vlerat arkitekturore të këtyre monumenteve.
Voskopoja gjithashtu ruan dhe potencialin e saj turistik.Fshati, i cili ka të ndërthurur vlerat historike, kulturore dhe bukuritë natyrore, tërheq vizitorët të shumtë vendas dhe të huaj.
Grupime të ndryshme, familjare, shoqërore, por edhe individualisht, turistët zgjedhin të vizitojnë fshatin malor për klimën e freskët dhe vlerat e tij historiko-kulturore.
Kjo perlë i tërheq turistët e huaj, ku përveç atyre që ndalen për pak, ka nga ata që kalojnë ditët e tyre të pushimeve duke zëvendësuar bregdetin me klimën malore.
Përveç të huajve, fshatit nuk i mungojnë as pushuesit nga kryeqyteti apo qyteteve të tjera të Shqipërisë, gjithashtu të pandarë janë qytetarët e Korçës
