Gjirokastër, Kulla e Sahatit ndryshon pamje

146

Përfundon restaurimi dhe ndriçimi i Kullës së Sahatit, në Kalanë e Gjirokastrës.

Projekti ka për qëllim ruajtjen e vlerave dhe përmirësimin e gjendjes së monumentit, si një pikë kyçe e Kalasë së Gjirokastrës.

Kulla e Sahatit është ndërtuar nga Ali Pashë Tepelena në fillim të shekullit XIX. Ajo dominon pjesën lindore të fundme të Kalasë dhe ka një lartësi prej 30 m. Sahati nuk ka punuar që pas Luftës së Parë Botërore, kohë gjatë të cilës mekanizmi u dëmtua dhe më pas u hoq nga vendi.

Nga ana e jashtme Kulla e Sahatit ofron një pamje madhështore. Kulla është punuar me gurë të skuadruar të dimensioneve të vogla, të vendosur në rreshta paralelë, duke thyer kështu ashpërsinë e saj arkitektonike.