Në kohën kur të gjithë linin Shqipërinë për të shkuar në emigracion, vëllezërit Alijahaj lanë emigracionin për t’u kthyer në Shqipëri.
Tre vëllezërit Alijahaj e braktisën herët emigracionin, në vitin 1994 për tu kthyer në Shkoder, ku filluan të grumbullojnë qumështin e zonës.
E filluan biznesin e tyre me mjete artizanale, sot në fabrikën “Buna farm” janë 26 punonjës dhe një teknologji moderne pëpunimi, duke ofruar për konsumatorin të gjitha nënproduktet e qumështit.
Puna e tyre ka një dimension dhe impakt social mjaft të madh. Janë me qindra familje që përfitojnë nga grumbullimi i qumështit në zonë, duke ju imponuar atyre edhe standartet e nevojshme të produktit.
