Kina ka zbuluar një tren që mund të arrijë shpejtësinë 620 km/h. Treni 21 metër i gjatë u prezantua në Chengdu, në provincën e Sichuan.
Profesori He Chuan, i cili është udhëheqësi i punimeve për këtë tren të ri, tha për mediat kineze se mjeti i transportit do të jetë funksional brenda 3 deri në 10 vite.
Në Kinë, është funksional treni komercial më i shpejtë në botë, i cili arrin deri në 431 km/h. Ai ka nisur punën në vitin 2003, në Shangai.
Kina po punon fort për përmirësimin e infrastrukturës së saj në kuadër të Olimpiadës Dimërore të vitit 2022, që do të zhvillohet në Pekin.
