Mbërriti sot në Sarandë kroçera e klasit B “MONET”.
Porti Detar Sarandë njoftoi se me 44 turistë në bord, “MONET” do të qëndrojë në Portin e Sarandës deri në mbrëmje dhe ku do të udhëtojë më pas drejt Korfuzit. Kjo kroçerë vjen për të disatën herë në Sarandë dhe është e stilit Jaht – Kroçerë.
Turistë e saj kanë zbritur në qytetin e Sarandës si dhe kanë vizituar sitin arkeologjik të Butrintit.
Saranda tashmë është porti i preferuar i rrugëtimit të kroçerave turistike.
Gjatë mesit të majit në Sarandë mbërriti një tjetër kroçerë luksoze, “Silver Cloud”, e klasit B e kompanisë norvegjeze “Silversea Cruises” me 193 turistë spanjollë, amerikanë, kanadezë, australianë, etj.
Ndërkohë, fillim të muajit maj Saranda u vizitua edhe nga kroçera “Silver Moon” , e cila kishte 546 pasagjerë në bord nga të cilët 229 shtetas amerikanë, 174 anglezë, 65 australianë dhe të tjerët nga vende të ndryshme.
/ata.gov.al
