Kush janë dy shqiptarët luajnë në filmin për jetën e Zlatan Ibrahimovic

40

Dominic Andersson Bajraktari dhe Granit Rushiti janë shqiptarët që do të jenë pjesë e filmit që rrëfen jetën e futbollistit të njohur Zlatan Ibrahimovic, traileri i të cilit u publikuar mbrëmjen e së hënës.

Granit Rushiti, një sulmues suedez 20-vjeçar, me origjinë shqiptare, nga Kosova, do të jetë aktori që do të interpretojë Ibrahimovic në versionin e periudhës midis moshës 17 dhe 23 vjeç.

Nga mosha 11 deri 13 vjeç do ta interpretojë Dominic Bajraktari Andersson, edhe ky me rrënjë shqiptare.

Filmi “Unë jam Zlatan”, drejtuar nga Jens Sjogren, një regjisor suedez 44-vjeçar, dhe shkruar nga Jakob Beckman e David Lagercrantz, do të jetë i pari në jetën e Ibrahimoviç, pas dokumentarit të vitit 2015.

Filmi, i xhiruar midis Suedisë dhe Amsterdamit, do të dalë në kinema duke filluar nga 10 shtatori 2021.