Përpjekjet në shkencën pioniere të informacionit kuantik u dhanë çmimin Nobel në Fizikë shkencëtarëve francez, Alain Aspect, amerikan, John F Clauser dhe austriak, Anton Zeilinger.
Sipas akademisë, puna e tyre u fokusua në “gjendjet kuantike të ngatërruara, ku dy grimca sillen si një njësi e vetme edhe kur ato janë të ndara. Rezultatet e tyre kanë hapur rrugën për teknologjinë e re të bazuar në informacionin kuantik”.
Shkenca kuantike premton të hapë fusha të tëra aplikacionesh të reja për kompjuterët, në çdo gjë, nga enkriptimi i përmirësuar deri te aftësia për të shtypur sasi masive numrash më shpejt se çdo kompjuter modern.
Puna e tre shkencëtarëve – të cilët punuan veçmas – avancuan teoritë që ishin marrë në marrë në konsideratë edhe nga shkencëtarë si Albert Ajnshtajni, për dekada të tëra.
Aspect është profesor në Université ”Paris-Saclay” dhe ”École Polytechnique”, Palaiseau, në Francë. Clauser është një fizikant hulumtues në ”JF Clauser and Associates”. Zeilinger është profesor në Universitetin e Vjenës.
NOBELI NE KIMI
Çmimi Nobel 2022 në Kimi iu dha sot danezit Morten Meldal, amerikanes Carolyn Bertozzi dhe bashkatdhetarit të saj Barry Sharpless.
Meldal dhe Bertozzi i mundësuan Sharpless-it arritjen jashtëzakonisht të rrallë të fitimit të një Nobeli të dytë.
”Treshja shpërblehet për zhvillimin e kimisë bioortogonale”, njoftoi juria në vendimin e saj.
Barry Sharpless, 81 vjeç, është vetëm personi i pestë që fiton dy herë një Nobel.
Sharpless ishte i pari që doli me këtë teori.
Bertozzi më pas ndërtoi punën për të krijuar reaksionet që funksionojnë në organizmat e gjallë.
Kjo punë tani po përdoret për të eksploruar qelizat, për të gjurmuar proceset biologjike dhe për të krijuar mënyra më të mira për të luftuar kancerin.
