Me 21 qershor lindi Jean-Paul Sartre, i cili ishte filozof francez ekzistencialist, dramaturg, novelist, skenarist, aktivist politik, biograf, dhe kritik letrar. Ai ishte ndër figurat më të rëndësishme të Filozofisë franceze të shekullit XX. Jean-Paul Sartre u lind dhe u rrit në Paris. Si adoleshent në vitet 1920, Sartri u interesua për filozofi pasi lexoi ‘’Essay on the Immediate Data of Consciousness’’ nga Henri Bergson.Ai studio dhe doktoroi në filozofi në Paris në elitën École Normale Supérieure, një institucion i edukimit të lartë ku ishin edukuar disa mendimtarë dhe intelektualë të rëndësishëm francezë.
Më 1939 Sartri ishte në ushtrinë franceze, ku shërbente si meteorolog. Kur lufta përfundoi Sartri themeloi ’’Les Temps Modernes’’ (Kohët Moderne), një analizë mujore letrare dhe politike, dhe filloi të shkruajë vazhdimisht si dhe të vazhdoi aktivizmin e tij politik. Ai përdori përvojat e tija nga lufta për novelat e tij të famshme, ‘’Les Chemins de la Liberté’’ (Rrugët e Lirisë).
Ai ishte Laureati i parë që refuzoi Çmimin Nobel, dhe më parë kishte refuzuar çmimin Légion d’honneur, më 1945. Çmimi u shpall më 1964 22 Tetor; më 14 Tetor, Sartri i kishte shkruar një letër Institutit Nobel, duke kërkuar që të hiqej nga lista e të nominuarve, dhe duke shtuar se nuk do ta pranonte çmimin edhe po ta fitonte, por kjo letër nuk u lexua, më 23 Tetor, Le Figaro publikoi një deklaratë nga Sartri ku shpjegohej refuzimi i tij.
Megjithëse emri i tij u bë i famshëm ,si “ekzistencializmi” gjatë viteve 1960, Sartri mbeti njeri i thjeshtë me pasuri të vogël, i përkushtuar aktivisht në çështje globale deri në fundin e jetës së tij, siç ishin grevat revolucionare studentore në Paris gjatë verës së vitit 1968, gjatë të cilave ai u arrestua për mosbindje civile. Presidenti Charles de Gaulle ndërhyri dhe e liroi atë.
Ai vdiq më 15 Prill 1980 në Paris nga një sëmundje në mushkëri.
