Me 25 euro, linjë direkte Ancona-Tiranë Wizz Air, ja kur nisin fluturimet

27

Pjesë e linjave të reja të kompanisë low cost Wizz Air do të jetë dhe itinerari Ankona-Tiranë dhe anasjelltas.

Mësohet se flutrimet do të nisin më 4 qershor 2021 dy herë në javë, të hënë dhe të premte, me një çmim prej 25 eurosh.

Biletat e këtyre linjave tashmë mund të blihen online në wizzair.com apo në aplikacionin e kompanisë. Kjo linjë do të përmbushë nevojat e një klientele etnike, për të lehtësuar kthimin në shtëpi apo për të vizituar të afërmit e tyre, por dhe një klientele biznesi që udhëton në territorin shqiptar për arsye pune.

“Ne jei të kënaqur të shtojmë dhe këtë linjë të re, duke zgjeruar kështu rrjetin tonë. Ne kemi besim se tarifat e ulëta dhe rrjeti i shkëlqyer i linjave do të ndihmojë në rritjen e sektorit ekonomik dhe turistik të Italisë dhe Shqipërisë”, tha Andras Rado, menaxher i komunikimeve të Wizz Air.