Media prestigjioze The Guardian: Turistët britanikë preferojnë Shqipërinë

18

Media e njohur britanike, The Guardian shkruan se operatorët turistikë po shohin rritje të prenotimeve vendase për në Shqipëri pasi njerëzit kërkojnë kulturë dhe histori interesante me çmim më të ulët se destinacionet fqinje.

Sipas artikullit të publikuar Shqipëria ka qenë në radarin e udhëtarëve të guximshëm me çanta shpine për disa kohë, por këtë vit operatorët turistikë po parashikojnë se vendi i Ballkanit juglindor do të bëhet një destinacion kryesor pushimesh për udhëtarët në Mbretërinë e Bashkuar pas një rritjeje të rezervimeve këtë janar.

“Operatorët turistikë kanë parë një rritje të dukshme të rezervimeve për vitin 2022 ndërsa Shqipëria zgjeron apelin e saj për njerëzit që kërkojnë plazhe të bukura dhe peizazhe si dhe kulturë dhe histori interesante me një çmim më të ulët se destinacionet fqinje”, shkruhet në artikull.

Në artikull thuhet gjithashtu se fluturimet nga Britania e Madhe drejt kryeqytetit, Tiranë, janë gjithnjë e më të disponueshme dhe të kërkuara dhe faqja e internetit e rezervimeve Skyscanner tha se kishte parë një rritje prej 48% të rezervimeve në Shqipëri krahasuar me vitin 2019, duke reflektuar interesin për “destinacionet më pak të njohura, të cilat tradicionalisht konsiderohen jashtë rrugës së rrahur”. Rezervimet mesatare ishin për 2.1 persona, duke sugjeruar se aktualisht po rezervojnë kryesisht çifte dhe miq….