Ali Buzra është një ish-mësues i shkollës në fshatin Gizavesh të Librazhdit. Tri vite më parë, kur kishte dalë në pension, vendosi që dijet e tij në lidhje me historinë e Shqipërisë, e veçanërisht me fshatin e tij, t’i përdorte.
Për këtë vendosi që të krijojë një muze për fshatin. Për tri muaj mblodhi objektet etnografike dhe ndërtoi një muze në ambientet e shkollës ku dikur jepte mësim. Tani ai është ciceron i muzeut.
Një muze të tillë nuk ka fatin ta ketë as qyteti i Librazhdit. Objektet e grumbulluara janë mbi 200-vjeçare. Ato kanë qenë pjesë e jetesës së familjeve të këtij fshati.
Puna për pasurimin e muzeut do të vijojë. Mësuesi kërkon që të ketë akoma edhe më tepër objekte me vlerë historike, për të tërhequr edhe turistë të huaj në fshatin tij.
