Revista e njohur ”National Geographic” e ka renditur ”Albergo Diffuso” në listën e më të mirëve për 2024-n, sipas https://www.nationalgeographic.com/.
”Italianët konceptuan ‘albergo diffuso’ (hotele të shpërndara edhe në vende të tjera) për të sjellë turizmin në fshatrat e braktisura”, shkruan revista.
”Në vend të dhomave të miqve në një ndërtesë të vetme, ato janë të vendosura në banesa historike në të gjithë qytetin. Këtë verë, hoteli i parë i tillë në Shqipëri, ‘Albergo Diffuso Kruja’, do të nisë në qytetin malor të Krujës me kalldrëme, me dhoma të vendosura në banesa të vjetra dhe një kështjellë imponuese të shekullit VI”, vijon ajo.
”Vizitorët mund të eksplorojnë muzeun historik të Krujës dhe pazarin e zanateve shekullore përpara se të nisen për në kanionet e pyllëzuara të Parkut Kombëtar të Qafë Shtamës”, përfundon ”National Geographic”.
/ata.gov.al
