U hap në zonën e Kënetës, në afërsi të fshatit Bushat të Njësisë Adminsitrative Bicaj, fushata 1-javore “Ta pastrojmë Drinin që na bashkon në Kukës”, e cila do të zgjasë deri me 10 Tetor 2016.
Kjo fushatë zhvillohet në kuadër të Projektit CRESSIDA të mbështetur nga Agjencia Amerikane e Mjedisit EPA, zbatuar nga Qendra Rajonale e Mjedisit dhe Organizata për Lëvizje të Qëndrueshme Urbane.
Projekti CRESSIDA përfshin bashkitë e Kukësit dhe të Dibrës në Shqipëri, si dhe Komunën e Gjakovës e Istogut në Kosovë dhe synon trajtimin e problematikës së mbetjeve urbane përgjatë lumit Drin.
