OnePlus më në fund është gati të zbulojë tabletin e saj të parë dhe është aq i ndryshëm saqë ja vlen të konsiderohet në një det tabletësh Android.
OnePlus Pad vjen me ekran 11.6-inç me një raport të pazakontë 7:5 dhe frekuencë rifreskimi prej 144Hz. Dizajni e bën më të lehtë të mbahet në duar falë skajeve 2.5D dhe një kamër të pasme e cila nuk do të përfundojë pas gishtave tuaj.
Disa detaje teknike nuk janë të disponueshme në këto moment por OnePlus Pad do të fuqizohet nga çipi MediaTek Dimensity 9000 dhe 12GB RAM. Jetëgjatësia e baterisë pritet të jetë e lartë falë kapacitetit 9510 mAh me deri në 14.5 orë duke parë video.
Gjithashtu falë karikimit 67W SuperVOOC mund të shkojë në 100 përqind në 80 minuta. Me Dolby Atmos, tableti premton audio cinematike.
OnePlus Pad vjen me lapsin Stylus dhe një tastierë magnetike, dhe kështu përdoruesit nuk kanë pse të blejnë aksesorë më vete. Softueri do të jetë shumë familjar për përdoruesit të cilët kanë një telefon OnePlus.
Çmimet dhe datat e debutimit mbeten enigmë për momentin.
/pcworld.al
