Në Durrës kanë nisur përgatitjet për të hapur sezonin turistik veror, me pritshmëritë e larta që sugjerojnë shifrat e deritanishme të vizitorëve dhe me synimin për një mjedis sa më të pastër.
Në plazhin e Durrësit, ku paralelisht me projektin e Rilindjes Urbane të tij, punohet për shtrirjen e shtresave të rërës dhe dezinfektimin sezonal, në pritje të një sezoni të ri veror me më shumë turistë.
Durrësi është kryeqyteti i turizmit dhe janë marrë të gjitha masat që gjithçka të jetë gati për të pasur një sezon veror të suksesshëm.
Pastrimi dhe mirëmbajtja e hapësirave të gjelbra janë vënë në shërbim të qytetarëve dhe sidomos fëmijëve.
Përveç punës së përditshme të punonjësve të bashkisë Durrës, është i domosdoshëm edhe kontributi i çdo qytetari, që të mos ndotin ambientet e përbashkëta.
/ata.gov.al
