Përtypja siç duhet përmirëson nivelet e sheqerit në gjak te pacientët me diabet të tipit 2

0

Aftësia për të përtypur siç duhet mund të përmirësojë nivelet e sheqerit në gjak te pacientët me diabet të tipit 2.

Ata që kanë funksion të plotë përtypës raportojnë një nivel dukshëm më të ulët të glukozës në gjak sesa ata me aftësi të dëmtuar për të përtypur në mënyrë efektive, sipas një studimi të Universitetit të Buffalo, i botuar në Plos One.

Studimi shqyrtoi të dhënat e mbledhura nga 94 pacientë me diabet të tipit 2, parë në një klinikë ambulatore të një spitali në Stamboll, Turqi.

Pacientët u ndanë në dy grupe: i pari përbëhej nga ata që kishin ‘funksion okluzal’ të mirë – një numër i mjaftueshëm dhëmbësh të pozicionuar në mënyrë korrekte dhe që kishin kontakt në mënyrë që ushqimi të mund të përtypej mirë ku niveli i glukozës në gjak ishte 7.48.

Grupi i dytë nuk mund të përtypte mirë, nëse fare, sepse u mungonin disa ose të gjithë dhëmbët dhe niveli i glukozës në gjak ishte pothuajse 2% më i lartë në 9.42.

Ekspertët theksojnë se përtypja është thelbësore: stimulon ndër të tjera reaksione në zorrë që çojnë në rritjen e sekretimit të insulinës dhe në hipotalamus që nxisin ndjenjën e ngopjes, duke rezultuar në marrjen e më pak të ushqimit.

Prandaj, ngrënia më pak zvogëlon gjasat për t’u bërë mbipeshë, një faktor kryesor rreziku për zhvillimin e diabetit të tipit 2.

/ata.gov.al