Nëse jeni në një udhëtim në rrugë, në fluturim apo qoftë dhe ne një xhiro me biçikletë, ndoshta e keni provuar ndjenjën se rruga e kthimit duket se është më e shkurtër sesa ajo e vajtjes. Një numër i madh studiuesish kanë hulumtuar rreth fenomenit të njohur si “efekti i udhëtimit të kthimit”, për të kuptuar se përse ndodh. Mund të duket e çuditshme që dy periudha identike të kohës mund të ndjehen shumë të ndryshme. Frika mund të shkaktojë që të ngadalësohet koha, ndërsa përsëritja ose të qenit “në një zonë të njohur” mund ta bëjë atë të duket sikur koha kalon më shpejt.
Udhëtimi i kthimit ndihet më i shkurtër, sepse e ju e dini më mirë se sa kohë ju është dashur për të shkuar atje, dhe pikërisht një studim i botuar në vitin 2015 e vërteton këtë, duke vënë në dukje se efekti i kthimit nga një udhëtim është thjesht një iluzion i trurit tuaj që rishikon të kaluarën, në vend që të përjetojë lëvizjen e kohës në momentin që jeni duke udhëtuar.
