Disa javë pas ngjarjes që pa debutimin e Samsung Galaxy S21, S21+ dhe Ultra të ri, gjiganti i teknologjisë së Koresë së Jugut ka zbuluar mbërritjen në treg të një smartfoni të ri me lidhje 5G dhe bateri që zgjat më shumë kohë, shkruan vanityfair.it.
Ky është Samsung Galaxy A32 5G që mban me vete një ekran të madh 6.5 inç me 4 GB RAM dhe 128 GB hapësirë të dobishme për të ruajtur të dhënat.
Samsung ka menduar për sigurinë e përdoruesit duke shtuar pajtueshmërinë në platformën Samsung Knox, një sensor i gjurmës së gishtit i montuar anash tij dhe njohjen e fytyrës.
Për ta furnizuar, megjithatë, ekziston një bateri 5 000 mAh për një karikim më të shpejtë.
“Samsung Galaxy A32 5G konfirmon më tej ambicien tonë për t’u ofruar të gjithë konsumatorëve performancën dhe shpejtësinë e 5G duke prezantuar një opsion të ri që ndërthur përvojën më të mirë të mundshme mobile me veçoritë më të njohura të Samsung. Galaxy A32 5G zgjeron gamën e produkteve të serisë popullore Galaxy A edhe më tej”, deklaroi kompania.
Sidoqoftë, për ata që duan të bëjnë fotografi cilësore në çdo vend dhe kohë, në fakt, telefoni i ri përmban një kamer 48 megapikselë të pasme.
