Përfundoi sot procesi i vaksinimit të bagëtive të imta dhe kafshëve bujqësore në zonat me risk të lartë për shfaqjen e sëmundjes së Plasjes.
Ministria e Bujqësisë dhe Zhvillimit Rural, bëri të ditur se përfundoi 100% procesi i profilaksisë shtetërore, në të gjitha zonat e identifikuara me risk të lartë.
Autoriteti Kombëtar i Veterinarisë dhe Mbrojtjes së Bimëve (AKVMB) në përputhje me zbatimin e Programit Kombëtar të Kontrollit të Plasjes, për vitin 2021, vaksinoi falas me 87.350 dozë vaksina kafshët bujqësore të 38 fshatrave në qarqet Gjirokastër, Vlorë, Dibër, Berat, Elbasan, Shkodër dhe Kukës.
