Shkodër, mbahet konferenca ”Trashëgimia Motor Zhvillimi”

227

Në 4 qershor, në dhomën e konferencave të Muzeut të ri Kombëtar Marubi, u zhvillua Konferenca
“Trashëgimia Kulturore – Motor Zhvillimi”, organizuar nga LEAD Albania ALUMNI në bashkëpunim me Fondacionin Shqiptaro–Amerikan për Zhvillim dhe Ministrinë e Kulturës

Rijetëzimi i qendrave historike dhe ndikimi në zhvillimin e qendrueshëm ekonomik dhe shoqëror si dhe partneriteti publik-privat në trashëgiminë kulturore ishin temat qendrore rreth të cilave Ministrja e Kulturës, Mirela Kumbaro, Kryetari I bordit të Fondacionit, Michael Granoff dhe ambasadorja e Delegacionit Europian në Tiranë, Romana Vlahutin, mbështetën fort idenë së kultura dhe trashëgimia kulturore nuk mund të jenë vetëm objekte soditëse por burim ekonomie dhe zhvillimi.
Në konferencë ishte e ftuar edhe Kryetarja e Bashkisë së Shkodrës Voltana Ademi, e cila theksoi rolin e Shkodrës si qytet me tradita kulturore.

Në fjalën e saj Ministrja Kumbaro theksoi se Kultura ka kapërcyer fazën e emergjencës dhe sot diskutohet për zhvillim, për burim të ardhurash dhe për një strategji afatgjatë zhvillimi; se shkatërrimi i vlerave kombëtare, paligjashmëria është zëvendësuar nga miqtë e monumentit, nga shpëtimi I thesareve, nga restaurimet, nga menaxhimi I kontrolluar, nga dyfishimi i të ardhurave.
Kumbaro vuri në dukje se sot diskutohet për zhvillim, për cilësi, për ekonomi e kulturë, për rentabilitet. Kjo kërkon strategji bashkëpunimi dhe partneritet. Partneriteti publik-privat nën kontrollin përmbajtësor dhe restaurues të institucioneve përgjegjëse publike, është rruga në të cilën duhet të zhvillohet menaxhimi I trashëgimisë kulturore për të mos lejuar më të rrënohet, të harrohet dhe sidomos të shuhet si burim ekonomie.

Arta Dollani, drejtoreshë e Institutit të Monumenteve të Kulturës, Lorenc Bejko, Përgjegjës i Departamentit të Trashëgimisë Kulturore, Silva Breshani Drejtoreshë e Qendrës Kombëtare të Inventarizimit të Pasurive Kulturore, Edmond Ahmeti, këshilltar pranë ministres së kulturës, si dhe të tjerë përfaqsues të Lead program trajtuan temat lidhur me administrimin e pasurive kulturore përmes partneriteti public-privat, të zhvillimit të qendrueshëm të tyre, të luftës kundër trafikimit të pasurive kulturore, të identitetit kulturor.

Më herët, Z. Granoff, Ministrja Kumbaro, Zj. Romana Vlahutin dhe Zj. Voltana Ademi zbuluan në mënyrë simbolike pllakatën e donatorëve të Muzeut Kombëtar i Fotografisë Marubi.

13269261_1783928701819631_1383858600531650129_n 13321676_1783928858486282_7204535625776563070_n 13310610_1783928961819605_5283433035958533603_n 13327458_1783929471819554_7473298959747686037_n 13339598_1783929375152897_2719762379239060910_n 13346448_1783928461819655_1254259597810625621_n 13322163_1783928525152982_6116624080639360689_n

Burimi: Ministria e Kultures fb