Shqipëria dhe Mali i Zi, finalizuan marrëveshjen në fushën e sigurimeve shoqërore.
Rreth 2,500 shtetas shqiptarë, kryesisht sezonal që punojnë në vendin fqinj do të përfitojnë nga kjo marrëveshje, e cila pasi të kalojë etapat teknike, do të hyjë në fuqi me ratifikimin nga Parlamentet respektive.
Kjo marrëveshje është shumë e rëndësishme për të siguruar një trajtim të barabartë të të gjithë të punësuarve, punëmarrësve dhe të vetëpunësuarve, të cilëve konkretisht do t’i njihen periudhat e sigurimit dhe të kontributeve në të dyja vendet.
