Shqipëria, për herë të parë në Konkursin dhe Festivalin Ballkanik të Verës

289

Shqipëria merr pjesë për herë të parë në Konkursin dhe Festivalin Ballkanik të Verës që po mbahet në Sofie të Bullgarisë.

Agjencia Shqiptare e Zhvillimit të Investimeve në bashkëpunim me Proclic Webmarketing dhe Organizatën Shqiptare të Somelerisë bënë të mundur që Shqipëria të paraqitet me 5 kantina vere, Cobo, Nurellari, Belba, Kallmet dhe Balaj.

Drejtori i Ndërmarrjeve të Vogla dhe të Mesme, në AIDA, Daniel Guçe, bëri të ditur për ATSH-në, se Shqipëria është i vetmi shtet me 100 % varietete autoktone. “Interesi ka qenë shumë i lartë nga vizitorët dhe importuesit më të mëdhenj të verërave. Paraqitja e verës shqiptare ishte në formë profesionale”.

Sipas tij, qëllimi i pjesëmarrjes në këtë aktivitet është jo vetëm promovimi i verës por dhe bashkëpunimi rajonal për hapjen drejt tregjeve të reja. Pjesëmarrëse në Konkursin dhe Festivalin Ballkanik të Verës janë pothuajse të gjitha vendet e Ballkanit.

13327359_10154179378830349_3316089573124247326_n 13321637_10154179379295349_8256210447316241483_n 13315617_10154179379250349_8727489857479277329_n 13254317_10154179379090349_2453246600200657670_n 13327455_10154179379180349_3577442715387330932_n

Burimi: ATSH