Shqiptari, mes 15 biznesmenëve më të suksesshëm në Zvicër

16
Avni Orllati, biznesmeni shqiptar në Zvicër, është një nga 15 personalitetet e nominuar si finalist për çmimin Sipërmarrësi i Vitit 2020 në Zvicër. Çmimi Sipërmarrësi i Vitit 2020 do të ndahet këtë vit me 30 tetor në një ceremoni virtuale për shkak të pandemisë.
 
Avni dhe Basri Orllati në vitin 1995 vendosën të krijojnë kompaninë e tyre “A.Orllati”. Në vitin 1997 bashkohet me kompaninë vëllai i tyre Gjevgjeti dhe krijojnë kompaninë e tyre të re Orllati S.A., duke u bërë një nga kompanitë më të mëdha zvicerane dhe në vitin 2012 transformohet në Grupin Orllati S.A.
 
Grupi Orllati, me më shumë se 800 punonjës, është sot një nga furnizuesit kryesorë në sektorin e ndërtimit në Zvicrën frankofone.