Supertalenti shqiptar i orëve fiton shpërblimin “Grand Prix” në Gjenevë

0
71

Historia e orëtarit të ri shqiptar është si një përrallë. Por, para se të njihet nga koleksionuesit, për disa vite ky fëmijë nga Kosova ka pasur telashe. Të premten, atij në Gjenevë iu dha shpërblimi “Grand Prix” për orëtari, shkruan “Le Temps”

Është pothuajse shumë e lehtë. Historia e Rexhep Rexhepit, orëtarit tridhjetëvjeçar, ora Akrivija (klasike dhe fund ultra të lartë) e të cilit ngjall kureshtjen e koleksionuesve, mund të shkruhet vetvetiu. Ajo përmban të gjithë përbërësit e një historie të suksesit të kohëve bashkëkohore.

Si fëmijë, ai u rrit në Kosovë, i rritur nga gjyshja e tij. Babai i tij punonte në Zvicër, nëna e tij mungonte. Sa herë që babai vinte në shtëpi, tik-taku i orës së tij Tissot automatik e mahniste Rexhep Rexhepin. Më pas, ai zhvillon një imagjinatë magjepse të caktuar për mekanikën e orëve. Në moshën 12-vjeçare, gjatë luftës në Kosovë (në vitin 1999), ai u largua nga vendlindja e tij dhe mbërriti në Zvicër, me vëllain dhe të atin. Në aeroportin e Gjenevës, hera e parë që vendosi këmbën në një shkallë lëvizëse, reklamat e orëve ia shkëlqyen sytë. “Ishte sikur Disneyland”.

Babai i tij e imagjinoi të bëhej avokat, por Rexhep Rexhepi kishte dëshirë tjetër. Atij i pëlqenin orët. Nga Patek Philippe, në François-Paul Journe, nëpërmjet BNB Concept, ai do të mësojë shpejt se si të jetojë nga pasioni i tij. Në moshën 25-vjeçare, ai filloi me llojin e tij të orëve, Akrivia. Pesë vite më vonë, ky talent i rrallë është bërë një nga orëtarët më premtues dhe më të njohur të industrisë. Në panairin e fundit në Bazel, ai u bë hit me kronometrin e tij të ri bashkëkohor në vlerë prej 58.000 frangash. Për disa muaj i shiti pesëdhjetë sosh. Të premten, atij iu dha shpërblimi “Grand Prix”  (GPHG) në Gjenevë, për orën e meshkujve.