Akademia “Ali Demi” dhe Torino FC Academy kanë firmosur binjakëzimin mes tyre. Qëllimi i këtij binjakëzimi është ngritja në nivele më të larta e Akademisë ”Ali Demi” dhe njëkohësisht talentet që do të spikasin tek ”Ali Demi” do të kenë më shumë mundësi për t’u promovuar në Seria A.
Përfaqësuesit e Torino FC Academy theksuan se nuk kishin zgjedhur rastësisht të bënin binjakëzim me një akademi në Tiranë, duke vlerësuar kështu Akademinë ”Ali Demi” për traditën e krijuar deri tani në futboll.
