Zhylieni është një agjent udhëtimesh i specializuar në turizmin e aventurës dhe sot do të zbulojë Vjosën në Shqipëri.
Kështu nis reportazhi i publikuar në televizionin francez “66 Minutes”, kushtuar Vjosës, lumit të fundit të egër në Evropë të shpallur Park Kombëtar.
“Vjosa është një lumë 280 kilometra i gjatë dhe fillon në Greqinë veriore dhe kalon nëpër një pjesë shumë të madhe në Shqipërinë e Jugut për të arritur në detin Adriatik”, theksohet në reportazhin e “66 Minutes”.
Reportazhi
Larg bregut, mëngjesin e sotëm Zhylieni, guida në vendet e xhirimit, duke zbuluar parkun kombëtar të Vjosës, në juglindje të vendit.
Gjithmonë nën drejtimin e Eduardit, guidës shqiptare, që shpreson të bashkëpunojë me francezin.
Këtu gjendemi në ujërat termale të Bënjës, mbi një urë të vjetër të periudhës otomane, me pamje nga mali i Nemërçkës. Ato kane ujë të ftohtë, por burimet që ndodhen në të dyja anët, shpesh ujë termal që ka rënë në kontakt me burimet nëntokësore dhe që del në një temperature 30 gradë, që është shumë komode për t’u larë.
Në këtë mjedis përrallor, Zhylieni nuk pret ta lusin, por hidhet me kokë.
Ajo që ne bëjmë janë udhëtime aventureske, pra kërkojmë shumë eksperienca. Këtu aventura është e lirë, është relativisht e egër, direkt në periferi. Pra, është shumë interesante të gjesh këtë lloj vendi.
Ky vend, i ruajtur nga turizmi masiv, është një xhevahir i vogël, i dashur për shqiptarët. Shpesh vendet më të fshehura, më të panjohura janë më interesantet për t’u zbuluar në një mjedis aventure. Këtu nuk ka hotele, siç e shihni, nuk ka infrastrukturë.
Vjosa, ky lumë i mbrojtur, sot është më i egri në Evropë. Një lumë që dyshja e guidave do ta eksplorojë tashmë në një mënyrë më sportive. Në program: Një zbritje rafting, lloji i aktivitetit që klientët e Zhylienit mund të shijonin.
Do të shikojmë gjithashtu cilësinë e pajisjeve, sigurinë, më pas do të shikojmë mjedisin natyror për të qenë në gjendje të flasim për të, ta tregojmë, ta përshkruajmë. Ne do t’i kushtojmë vëmendje të gjitha detajeve të vogla.
Është një lumë 280 kilometra i gjatë dhe fillon në Greqinë veriore dhe kalon nëpër një pjesë shumë të madhe në Shqipërinë e Jugut për të arritur në detin Adriatik.
Zhylieni është i joshur nga ky aktivitet.
Është shumë mbresëlënëse, edhe shumë argëtuese.
Ashtu si ky grup turistësh francezë nga Izera.
E habitshme dhe miqësore. Epo, më pëlqen. Kjo mund të bëhet me kënaqësi të madhe në moshën 72-vjeçare. Nuk ka moshë.
Çmimi është gjithashtu një pikë e rëndësishme për guidën tonë. Edhe ky nuk nuk ka të sharë në Shqipëri.
Është një aktivitet mjaft i lirë, rreth 40 euro. Duke ditur që jemi në 40/50 euro, jemi në kuotën e një të tretës së asaj që bëjmë në Francë. Është mjaft lirë, kështu që është gjithashtu interesante të jesh në gjendje ta shijosh këtu. Mbi të gjitha janë plotësuar kushtet e sigurisë, pra është perfekt.
Kjo ditë në brigjet e Vjosës në zemër të maleve shqiptare do të ofrohet shumë shpejt nga kompania e tij.
Në reportazhin e televizionit francez “66 Minutes” një vëmendje e veçantë i kushtohet edhe plazheve të qytetit bregdetar të Sarandë, si dhe Tiranës.
Nga ata që duan aventurën apo ata që janë të apasionuar për natyrën, Shqipëria ofron aktivitete për të gjithë.
/ata.gov.al
