Pas një jave qytetarët e Tiranës do të duhet t’i hedhin mbeturinat në mënyrë të diferencuar. Kompania Eco Tirana do të nisë punën për një pastrim më të mirë të qytetit duke vënë në dispozicion si fillim infrastrukturën.
Në Tiranë do të vendosen 850 kazanë ku do të hidhen mbetje të diferencuara. Ndërkohë që Eko Tirana ka 12 automjete të kategorisë Euro 6 me ndikim minimal në ndotje, tre makina fshirëse për mbledhjen e pluhurit në rrugë një makinë për larje dhe dezinfektimin e kazanëve .
Ndërgjegjësimi i qytetareve ka nisur me trajnimin e nxenësve të shkollës se si do të bëhet diferencimi i mbetjeve me qëllim që kjo sjellje të transmetohet tek më të rriturit.
