Bashkia e Tiranës ka nisur shpërndarjen e kartës së rezidentit në zonat ku parkimi mbetet një problem kritik, ndërsa do të vijojë me të tjera rrugë deri në brendësi të lagjeve periferike.
Kjo kartë identifikuese, përvojë e re për Shqipërinë, por e ngjashme me disa shtete anëtare të Bashkimit Europian, do të përmbajë targën e automjetit, afatin e vlefshmërisë së pullës, numrin serial dhe numrin e zonës. Të dhëna që do të vërtetojnë adresën e banimit për çdo individ, për të garantuar parkim të sigurt dhe falas në të gjitha rrugët që i përkasin çdonjërës prej 24 njësive administrative.
Kjo kartë do t’i sigurojë rezidentit hapësirë parkimi në ¼ të sipërfaqes, brenda zonës ku është rezident, me përjashtim të rrugëve kryesore ku përcaktohet sistem tarifimi.
Burimi: Top Channel
