Violinistja e famshme amerikane dy ditë koncert në Korçë e Tiranë

0
65

Violinistja amerikane, Jenny Oaks Baker me katër anëtarë të familjes së saj, do të japin një koncert në Korçë në datën 21 nëntor. Po në këtë datë, grupi do të udhëtojë për një koncert tjetër në Tiranë, që do të jepet në datat 21 dhe 22 nëntor tek salla e koncerteve në Katedralen Orthodokse.

Jenny Oaks Baker, është një artiste dhe interpretuese që të bënë ta përjetosh muzikën drejtpërdrejt, por magjia e kësaj muzike vjen edhe përmes regjistrimeve të shumta të saj, ose videove muzikore. Me magjinë e artit të Jenny Oaks Baker& Four pritet që publiku të marrë emocione të veçanta. Jenny filloi të luajë violinë që në moshën katërvjeçare dhe bëri solo debutimin orkestral në vitin 1983 kur ajo ishte vetëm tetë vjeçe. Ajo mori Masterin e Shkencave të Muzikës në shkollën e njohur Juilliard në Neë York City dhe Diplomën e saj Bachelor në interpretimin e violinës nga Instituti Curtis i Muzikës në Filadelfia. Videot muzikore të saj janë frymëzuese dhe argëtuese. Ato mundësojnë që më shumë njerëz në të gjithë botën të përjetojnë emocionet e muzikës dhe performancës së saj. Këto video janë gëzuar nga më shumë se 5 milionë shikues dhe janë bërë pjesërisht përmes Patreon të Jenny’s.

Me karrierën e saj të gjertanishme dhe regjistrimin e saj, përveç edukimit të saj superlativ, Jenny është një eksperte me famë dhe ka shërbyer si mbështese për Koncertin Ndërkombëtar të Stradivarius. Ajo është gjithashtu marrëse e Çmimit të Artistit të rajonit të Utah-ut për Përsosmëri në Shprehjen Artistike.

Për shtatë vjet, Jenny Oaks Baker luajti si violiniste e parë në orkestrën simfonike kombëtare para se të jepte dorëheqjen në vitin 2007, për t’i kushtuar më shumë kohë familjes së saj të re. Jenny, burri i saj, dhe katër fëmijët e tyre muzikantë perfomojnë së bashku në të gjithë botën si Jenny Oaks Baker & Family Four.

Jenny Oaks Baker ka performuar si soliste në Carnegie Hall, Lincoln Center, Strathmore Hall, Biblioteka e Kongresit dhe si soliste e ftuar me Simfoninë Kombëtare, Simfoninë e Jerusalemit, Simfoninë e Pittsburgut, Simfoninë e San Diegos, etj. Muzika emocionuese e Jenny Oaks Baker është shfaqur edhe në tingujt e shumë filmave, përfshirë PBS Documentary të Helen Whitney, “The Mormons”, filmat hit hit TC Christensen, “17 mrekullitë”, “The Cokeville Miracle” dhe “Love Kennedy” nga “The Killers” në filmin e Mitch Davis, “Christmas Eve”. Dh.H.