Aktori shqiptar Blerim Destani ka arritur suksesin e radhës në kinematografi.
Ai është bërë pjesë e produksonit Hollywood-ian, “The Comeback Trail”, ku luan krah aktorëve të mëdhenj si Robert DeNiro, Morgan Freeman dhe Tommy Lee Jones.
Aktori publikoi trajlerin e filmit në një postim në Facebook dhe u shpreh se ishte nder i madh për të që të aktronte krah këtyre “zotërinjve”
“Shikoni trajlerin e filmit tim të fundit “The Comeback Trail”. Në film luajnë Robert DeNiro, Morgan Freeman dhe Tommy Lee Jones. Është nder për mua të aktorja krah këtyre xhentëlmenëve,”- shkroi Blerim Destani.
Për më tepër pjesë e këtij produksioni është edhe një shqiptar tjetër. Për muzikën e filmit do të kujdeset kompozitori Aldo Shllaku.
Filmi do të dalë më 13 nëntor dhe është e zhanrit dramë-komedi.
“The Comeback Trail” është rikrijim i filmit të vitit 1982, që mban të njëjtin titull.
