Këtë herë AgroWeb.org duhe bërë një kërkim për ushqimet më të mira që mund të shijoni në vende të ndryshme të botës, zbuloni një listë mjaft interesante sipas Taste Atlas e cila prezanton 10 ushqime apo gatime tradicionale nga vende të ndryshme të botës. Vazhdoni më tej leximin për t’u njohur me to.
Bukë me gjalpë dhe hudhër, Indi
Ajo njihet me emrin Naan dhe është një bukë tradicionale indiane. Përgatitet me miell, maja, kripë, sheqer dhe kos. Pasi brumi piqet, lyhet me gjalpë dhe më pas i hidhet sipër hudhër e grirë.
Nasi Padang, Azia Juglindore
E emërtuar sipas vendit të origjinës, Nasi Pandang është një kombinim indonezian i orizit (nasi) me një shumëllojshmëri të disa ushqimeve tradicionale. Konsiderohet më shumë si një vakt i plotë sesa një pjatë e vetme, dhe mund të shërbehet me oriz, patate, perime apo me pjata të ndryshme.
Kosi, Bullgari
Kiselo mlyako, i njohur edhe si kosi bullgar, përmendet shpesh si një nga llojet më të vjetra dhe të para të kosit që u shfaq në botë. Ai bëhet nga qumështi i lopës, deleve, buallit, dhisë, ose një përzierje e tyre dhe dy llojeve të baktereve probiotike Streptocoçus thermophilus dhe Lactobacillus. Vlerësohet për aromën e pasur, teksturën kremoze dhe vlerat e mëdha ushqyese.
Pastel de Belém, Evropa Perëndimore
Pastel de Belém është një tortë tradicionale portugeze me krem. Këto torta mund të shërbehen të ngrohta ose të ftohta dhe në vitin 2009, The Guardian e renditi si një nga 50 ushqimet më të mira në botë.
Gianduja, Itali
Gianduja është një krem i ëmbël i bërë me çokollatë dhe lajthi të bluara. Receta u shpik në Torino në shekullin e 19-të.
Salmoni Norvegjez
Në Norvegji, salmoni i Atlantikut zë rreth 40% të të gjithë prodhimeve të detit që eksportohen nga vendi. Shija dhe përmbajtja e lartë e lëndëve ushqyese janë arsyet pse salmoni norvegjez u bë i famshëm dhe popullariteti i tij u rrit në mbarë botën që nga vitet 1970.
Jamon, Spanjë
Konsiderohet si varieteti më i hollë i proshutës i njohur si Jamón Ibérico. Proshuta përbëhët nga mishi i derrave të zinj iberikë 100% të racës së pastër që kanë bredhur lirshëm nëpër kullota.
Mish viçi argjentinas
Është mish i freskët që shpesh vlerësohet për cilësinë dhe shijen e tij për shkak të ushqyerjes me bar dhe klimës së përshtatshme. Tradicionalisht, mishi gatuhet në flakë prushi.
Wagyu, Japoni
Wagyu është një term që tregon një racë viçi japonez (wa do të thotë japoneze dhe gyu do të thotë lopë). Kjo racë ka një predispozitë gjenetike për të krijuar një shtresë si të mermertë dhjami në brendësi të indit muskulor që i jep mishit pamjen dhe shijen karakteristike.
Pica Napoli, Evropa perëndimore
Origjina e picës daton që nga Romakët dhe Grekët e lashtë, të cilët piqnin bukë të sheshtë dhe i mbushnin me erëza dhe vaj ulliri. Por pica që të gjithë e njohim sot, e bërë me salcë domate, djathë dhe mbushje të shumta, e ka origjinën në Itali. Ajo u bë e njohur në Napoli në shekullin e 18-të si një ushqim i lirë dhe ushqyes, që konsumohej kryesisht nga fshatarët. Pica moderne siç e njohim sot evoluoi nga bukët e hershme napolitane të mbushura me përbërësi të shijshëm.
/ata.gov.al
