Nga gjyshi i tij mori jo vetëm emrin por edhe zanatin. Ky është Zef Gjini, i njohur në qytetin e vogël të Vau – Dejesit si mullixhiu i vogël.
15 vjeçari ka vendosur të vazhdojë edhe me tej traditën e familjes së tij, duke punuar në mullirin e trashëguar prej 4 brezash.
Me 14 shtator, Zefi nis gjimnazin por këtë zanat nuk do ta lërë pas dore. Ai na tregon se gjatë bluarjes, duhet shumë kujdes e përgjegjësi, pasi cilësia e miellit ndryshon menjëherë.
Zanatet e vjetra sa po vijnë dhe zhduken por 15 vjeçari nga Vau Dejës duket se ka vendosur të çoje deri në fund amanetin e gjyshit të tij për të mos harruar zanatin dhe për tu kujdesur për mullirin.
