Viti 2023 shënoi një shifër rekord vizitorësh që kaloi 10 milionë, çka ndikoi pozitivisht edhe tek strukturat akomoduese të cilat kanë pasur frekuentim më të lartë edhe në muajt e fundit të vitit.
Sipas INSTAT, në strukturat akomoduese në nëntor, fluksi i jorezidentëve në hotele u rrit me 60.7 për qind. Ndërsa numri i vizitorëve gjithsej është rritur me 43,5%, në krahasim me Nëntor 2022.
“Numri i vizitorëve jo-rezident të cilët janë akomoduar në Rajonin Qendër ka shënuar rritje me 65,3%. Në Zonat Jo-bregdetare ky tregues është rritur me 65,4%, krahasuar me të njëjtën periudhë të vitit të mëparshëm. Numri i vizitorëve jo-rezident të cilët janë akomoduar në “Hotele dhe akomodime të ngjashme” ka shënuar rritje me 60,7%” thuhet në njoftim.
Gjithashtu rritje ka shënuar edhe numri i vizitorëve rezident me 26,0%, kurse numri i vizitorëve jo-rezident është rritur me 60,3%.
Rritje ka pësuar edhe numri i netqëndrimeve që për nëntorin 2023 ishte 79,8%, në krahasim me Nëntor 2022. Numri i netë qëndrimeve nga rezident është rritur me 55,7% kurse numri i netë qëndrimeve nga jo-rezident është rritur me 97,5%.
Numri i netë qëndrimeve të vizitorëve jo-rezident të cilët janë akomoduar në Rajonin Qendër ka shënuar rritje me 91,5%. Në Zonat Jo-bregdetare ky tregues është rritur me 2,3 herë, krahasuar me të njëjtën periudhë të vitit të mëparshëm. Numri i netë qëndrimeve të vizitorëve jo-rezident të cilët janë akomoduar në “Hotele dhe akomodime të ngjashme” ka shënuar rritje me 98,5%.
“Në muajin Nëntor 2023, numri më i lartë i netë qëndrimeve është realizuar: sipas rajoneve në “Rajonin Qendër“ (57,6%); sipas zonave të afërsisë me bregdetin në “Zonat Jo-bregdetare” (63,4%); sipas llojit të strukturave akomoduese në “Hotele dhe akomodime të ngjashme” (97,9%)”, nënvizon INSTAT.
/ata.gov.al
