Plazhi ideal për familjet/ Pishë- Poro, destinacioni i rreth 205 mijë turistëve

35

Plazhi i Pishë-Poros në Fier ka shënuar një fluks të lartë turistësh vendas e të huaj gatë këtij viti.

Me rreth 9.5 km vijë bregdetare ky plazh ofron për pushuesit plazhe ranore dhe pyllin me pisha të buta.

Sipas ATSH, gjatë periudhës janar-gusht ky plazh u frekuentua nga 204 900 turistë, nga të cilët 194 100 vendas dhe 10 800 të huaj.

Muaji gusht shënoi edhe fluksin më të lartë të pushuesve, ku konkretisht u frekuentua nga 96 600 vendas dhe 6 700 të huaj.

E shtrirë mes derdhjes së lumit të Vjosës e deri në Zvërnec të Vlorës, Pishë- Poro ofron një vijë bregdetare shumë të përshtatshme për zhvillimin e turizmit familjar.

Pishë- Poro është shpallur zonë e mbrojtur e kategorisë IV ndërsa njihet si një zonë e pyjeve të pishës mesdhetare.

Në ujërat e pastra të deltës së Vjosës takohet lloji globalisht i rrezikuar lundërza, si dhe peshqit migratore (troftat). Pishë-Poro mbetet po ashtu një zonë e rëndësishme për shpendët.