“Rrënjët Tona”, çelet ekspozita me instrumentet e veçanta të Gjirokastër-Tepelenë

13

Në Gjirokastër dhe Tepelenë, çelja e ekspozitës së instrumenteve burimore nga këto dy zona, ka sjellë një atmosferë krejtësisht të veçantë kulturore për banorët dhe turistët e huaj në këtë sezon veror.

Bashkitë Gjirokastër dhe Tepelenë me mbështetjen e Ministrisë së Kulturës dhe në bashkëpunim me programin “Nismë Shqiptare për Zhvillim” (AID), nën tematikën “Rrënjët Tona” çelën në dje në qytetin e Gjirokastrës për herë të parë ekspozitën e instrumenteve burimore të zonave Gjirokastër-Tepelenë. Ekspozita do të udhëtoj sot në Tepelenë.

Në ekspozitë prezantohen instrumente si: lug bilbil, instrumente me goditje, fyej dyjare etj. Detaje të veçanta të këtyre instrumenteve janë gdhendjet ku pasqyrohen traditat dhe ritet pagane apo fetare te cilat kanë qenë pjesë e pandashme e historisë sonë.

Ekspozimi i instrumentave burimore, unik në llojin e tyre kanë rëndësi të veçantë për trashëgiminë kulturore e historike të vendit tonë.