Stilistja shqiptare Nensi Dojaka është fituese e çmimit prestigjioz, “British Fashion Award”.
Pas çmimit prestigjioz të Luis Vuitton për stilistët e rinj, Nensi Dojaka, ylli shqiptar i modës, ka fituar mbrëmë çmimin tjetër prestigjioz, “British Fashion Award”, duke u shpallur stilistja e vitit në Britaninë e Madhe.
Në 8 shtator stilistja shqiptare Nensi Dojaka u shpall fituese e çmimit prestigjioz të Fondacionit Louis Vuitton për stilistët e rinj. Nensi Dojaka është shqiptarja e parë që i është bashkuar shtëpisë prestigjioze të modës Louis Vuitton dhe do të ketë mbështetjen e plotë të LV për të nxjerrë në treg koleksionin.
27-vjeçarja Nensi Dojaka jeton në Londër. Koleksioni u vlerësua nga ekspertët më të famshëm të modës dhe për herë të parë u përfshinë edhe votat nga publiku, pasi sfilata u zhvillua online për shkak të rregullave antikovid.
